س. مشكلتي اني مش بعرف أقول لأ ، حتى لو كانت النتيجة اني بخسر حاجات كثير في مقابل اني أكون مقبولة من الشباب .. أعمل إيه؟
ج. واضح من السؤال ان جواكي رغبة في انك تلاقي حد يحبك حب حقيقي، يحبك انتي لشخصك.
اللي بيحصل معاكي مش ممكن يكون تحت مسمى الحب الحقيقي، ليه؟ لانك بتدفعي ثمن غالي قوي علشان تكوني محبوبة.
اللي عاوز ياخد منك حاجة مش حقه، أكيد مش بيحبك.. تقدري تقولي انه بيستغلك، عارفة نتيجة الاستغلال ده إيه؟ بالظبط زي اللي بيشرب مشروب وبعدين بمجرد ما بيخلص المحتوى ، بيرمي العلبة لأنها بتكون فضيت.
الجنس قبل الجواز عمره ما كان ولا هيكون الطريق المختصر للحب، لأن الحب بيكون مبني على عهد والتزام بين الزوجين ، هو ده نوع الحب اللي بيكبر مع الأيام.
عارفة إنك بتسببي الأذى لنفسك، لأنك كل ما بتحاولي تشتري الحب بالطريقة دي، عمرك ما هتعرفي معنى العلاقة المستمرة والمليانة بالحب الحقيقي.
الله نهانا عن الزنا مش لأنه بيضغط علينا أو عاوز يسبب لنا التعاسة، أبدًا، لكن لأنه بيحبنا .
ارجعي عن طريقك بكل قوة وحسم..مكتوب" اهربوا من الزنى. كل خطية يفعلها الإنسان هي خارجة عن الجسد . لكن الذي يزني هو يخطئ إلى جسده" ( 1 كورنثوس 6 : 18 ).
اعرفي ان الحب اللي انتي بتدوري عليه مش هيشبعه غير الله اللي بيحبك،مهم كمان تعرفي انك مش محتاجة تشتري حب الله لأنه دفع الثمن، مكتوب: " ان اعترفنا بخطايانا فهو امين وعادل حتى يغفر لنا خطايانا ويطهرنا من كل اثم" 1يو 1:9
اش 1:16 اغتسلوا تنقوا اعزلوا شر افعالكم من امام عينيّ كفوا عن فعل الشر
اش 1:17 تعلموا فعل الخير .............
اش 1:18 هلم نتحاجج يقول الرب.ان كانت خطاياكم كالقرمز تبيض كالثلج.ان كانت حمراء كالدودي تصير كالصوف.