اللي دماغه مريحاه مش هو الشخص اللي مش بيفكر لكنه الشخص اللي بيميل لاستخدام أحد فصي المخ(الأيمن/الأيسر)على حساب الفص الآخر- النظرية المعروفة علمياً باسم"هيمنة المخ" لروجر سبيري سنة 1981
اللي بيستخدم الفص الأيسر أكثر بكثيرمن الفص الأيمن بيميل لتغليب الجانب المنطقي التحليلي على الجانب العاطفي الابداعي والعكس بالعكس.
إيه مجالات اهتمام كل فص من فصي المخ؟:
• الفص الأيمن من المخ بيتعامل مع الصور
• الفص الأيسر من المخ بيتعامل مع الكلمات
• الفص الأيمن من المخ بيتعامل مع العام والعلاقات
• الفص الأيسر من المخ بيتعامل مع الأجزاء والتحديات
• الفص الأيمن من المخ بيتعامل مع التجميع والتركيب
• الفص الأيسر من المخ بيتعامل مع التحليل والتقسيم
• الفص الأيمن من المخ بيتعامل مع الأفكار التلقائية
• الفص الأيسر من المخ بيتعامل مع التفكير المقصود المتتابع
• الفص الأيمن غير مقيد بجداول زمنية
• الفص الأيسر من المخ مقيد بخطة زمنية
• الفص الأيمن من المخ حساس للملامح العاطفية للغة والنبرة والموسيقى
• الفص الأيسر من المخ بيتعامل مع اللغة وتراكيب الكلمات
• اللي دماغه مريحاه هو اللي بيفضل حاصر نفسه في تغليب فص واحد على حساب الفص التاني ..
• الوضع المثالي قائم على فهم قدرات العقل المختلفة وإدراك ما يتطلبه كل موقف
• الوضع المثالي بيعتمد على تطوير القدرة على الانتقال بين فصي المخ بمرونة بحسب معطيات ومتطلبات المواقف المختلفة.
#لمسات_شافية